- Bəli, düzdür (gülür). Mən uşaqlıqdan rəssam olmaq istəyirdim, ancaq valideynlərim mənim həkim olmağımı istəyirdilər. Ona görə də artıq 9-cu sinifdə məni kimya-biologiya litseyinə yazdırmışdılar, 1999-cu ildə isə mən Tibb universitetinin müalicə işi fakültəsinə daxil oldum. 

- Arzu uşaqlıqdan elə arzu kimi qalmışdı. Tələbəlik illərimdə mən rənglərə və karandaşlara yaxın durmadım. Demək olar ki, inciklikdən (gülür). Ancaq bir müddət keçəndən sonra müntəzəm olaraq rəsm çəkməyə başladım. Bir dəfə əmim evdə mənim eskizlərimi gördü. O çox təəccüblənmişdi, çünki mənim rəssamlığa həvəsimin olduğunu bilmirdi. Mən dedim ki, rəssamlıqla ciddi məşğul olmaq istəyirəm, o da məni dəstəklədi. Sonra mən valideynlərimə müraciət elədim ki, özümü sınamaq üçün mənə vaxt versinlər: "Əgər alınmasa, mən ancaq həkim olacam”. Valideynlərim həvəssiz də olsa, razılaşdılar. 

 

- Təəssüf ki, yox. Əks təqdirdə onlar məni dəstəkləyərdilər, yaradıcı qabiliyyətlərimin inkişaf etməsinə çalışardılar. Ancaq bizim ailədə hami iqtisadçıdır. 

 

- Mən yaradıcıqla məşğul olmaq qərarına gələndə, qardaşım mənə özünün Rəssamlıq Akademiyasında işləyən dostu Coşğun İsmayılovu məsləhət gördü. İlk addımlarımı atmağa o kömək etdi, Coşğun müəllimlə biz ilyarım işlədik. Karandaşdan başlamışdıq. Sonra yağlı boyalara keçdik. O dövrdə mən rəssamlığı ancaq hobbi kimi qəəbul edirdim, heç bilmirdim ki, o sonradan mənim həyatımın qayəsinə çevriləcək (gülür). 

 

-  Mən Nəvai Mətinin sosial şəbəkədə dostumun səhifəsində görmüşdüm. Məhz həmin vaxt Assosiasiyanın elanı çıxmışdı ki, Dübəndi qəsəbəsində etüd keçiriləcək. Mən Nəvai müəllimdən etüddə necə iştirak edə biləcəyim və bunun üçün nə tələb olunduğu barədə soruşdum. O mənə hər şeyi başa saldı, Assosiasiya, onun iş prinsipi barədə məlumat verdi. Klub üzvləriylə görüş təyin olunmuşdu, mən orada onlarla tanış oldum. Onlar məni çox isti qarşılamışdılar. 

- Bu assosiasiyanın tərkibində biz hər iki həftədən bir Azərbaycanın rayonlarına gedirdik. Nəvai müəllim həmişə deyir ki, əgər xalq sənətə gəlməsə, sənət özü xalqa gələcək (gülür). Beləliklə, biz əla vaxt keçirir, iş görürdük. Yeri gəlmişkən, kəndlilər də bizim işlərimizlə maraqlanırdılar. Açıq havada işləyən rəssam qrupu hər gün rastlanan mənzərə deyil. 

 

Sizin sualınıza cavab verim ki, naturadan çəkmək emalatxanada çəkməkdən daha yaxşıdır. Rəngləri və çalarları daha yaxşı seçirsən çünki. Etüd az vaxt almalıdır, daha dəqiq desəm bir neçə saat, çünki hava çox tez dəyişir. Açıq havada işləmək rəssamlara templə işləməyə kömək edir (gülür)

- Hər ikisi. Etüdlər çəkmək həm maraqlı, həm də əyləncəlidir. Bir neçə saat ərzində sənin qarşında hazır şəkil olur, orda sən nə görmək istəyirsənsə, o var. Müəllif işlərinə qaldıqda isə, o, rəssamın təsəvvür və fantaziyasının görüntü formasını almasıdır. Ona görə də hər ikisi mənimçün vacibdir. 

- Müəllifin işinin ortaya çıxması şəklin süjetindən asılıdır. İlk planda müəyyən aspektlər olmalıdır. İdeya hazırdımı? Nə çəkəcəyini rəssam tam olaraq bilirmi? Bu sualların cavablarının tapılmasına müəyyən vaxt lazımdır. Bəzən nəticəni bəyənmək üçün rəssama bir neçə saat lazım ola bilər. Ancaq elə hallar da olur ki, buna günlər, aylar, illər gedir... Sənət özünün proqnozlaşdırılmamasıyla fərqlənir, onun gözəlliyi və orijinallığı da elə bundadır. 

 

- Əsasən rənglərlə işləməyi sevirəm. Ancaq qrafikanı bilmək rəssam üçün çox vacibdir. Mən incəsənəti karandaşla natürmot çəkə-çəkə öyrənmişəm Sonra rəngli boyalara keçdim. Karandaşla peyzajlar, natürmortlar və əsasən dostlarımın portretlərini çəkirəm. Onlara sürprizlər etmək xoşuma gəlir. 

- Əvvəllər mən peyzajlar çəkməyi çox sevirdim, onlar demək olar mənim yaradıcılığımın əsasını təşkil edirdilər, ancaq hazırda özümü bir çox janrlarda sınamağa çalışıram. 

 

- Bəli! İş burasındadır ki, mən yaradıcılıqla demək olar hər gün məşğul oluram. Van Qoq düşünürdü ki, rəssam üçün istedad o qədər də vacib deyil, vacib olan çox və dayanmadan işləməkdir. 

Əməksevərlik çox vacibdir, xüsusilə erkən mərhələdə. Ancaq sonrakı inkişaf və formalaşma üçün rəssam üçün istedad, təsəvvür, fantaziya çox vacibdir ki, onun işləri başqalarının işlərinin kopyalarına bənzəməsin. 

- Demək olar bu mənim daxili aləmimlə bağlıdır. Şəkillərdə kolorit, pozitiv, parlaq rənglər və işıq mənim çox xoşuma gəlir. Ona görə də belə şeyləri mənim şəkillərimdə tapa bilərsiniz.  

 

 

- Mən əsas etibarilə realistəm, ən azından yaradıcılığımın bu mərhələsində. Ancaq şəkillərin fəlsəfi olmasına da müsbət baxıram. Hələlik mənim bir neçə şəklim var. Hələ irəliləyəcəyik. İndi uzun yolun əvvəlindəyik (gülür). 

- Van Qoqun, Klod Monenin, Amedeo Modilyaninin işlərini çox sevirəm. Yerli rəssamlarımızdan Səttar Bəhlulzadənin, Böyükağa Mirzəzadənin  yaradıcılığına heyranam. Müasir rəssamlardan isə Vladimir Voleqovun və Vüqar Əlinin yaradıcılığını bəyənirəm. 

- Dolğun həyat yaşayın, kiçik şeylərdən xoşbəxt olun, xeyirxah, nikbin olun, ən əsası neqativi özünüzdən uzaqlaşdırın (gülür). 

 

-  2015-ci ilin oktyabrında "Facebook”da "Dünya rəssamları” klubunun verdiyi elanı gördüm, onlar gələcək sərgiyə şəkil aldıqlarını bildirirdilər. Mən öz işlərimi göndərdim. Bir müddətdən sonra isə özümü 25 nəfərlik rəssam siyahısında gördüm və çox sevindim. Sərginin mövzusu "Günəş” idi. Şəkillərin hazırlanmasına bir ay vaxt vermişdilər. Mən peyzaj, günəş peyzajı, buna bənzər şəkil çəkmək istəmirdim, bu çox banal olardı. Ona görə də mən orijinal süjet fikirləşmək istəyirdim, nəticədə mən "Yeni gün, yeni həyat” adlı şəkil çəkdim. Günəşin yeni günü simvolizə etdiyini, yenidoğulan uşaqlarınsa həyatın başlanğıcı olduğunu nəzərə alanda, mən günəş görünüşündə hamilə qadının şəklini çəkdim. İlk sərgidə rəsm işim kimi tamaşaçıların qarşısıma mən bu şəkillə çıxdım. Sərgidə iştirak elə xoşuma gəlmişdi ki, bugün bir dənədə olsun sərgini qaçırmamağa çalışıram. 

 

- Hər bir rəssam kimi mən çox istəyirəm ki, özümün fərdi sərgim olsun. Ancaq hər şeyin öz zamanı var. Bu yüksək səviyyədə olmalıdır. Buna çatmağa çalışıram. Fikirləşirəm ki, zəhmətsevərliyim sayəsində fərdi sərgimi keçirməyə müvəffəq olacam. 

- Rüstəm mən sizə təşəkkür edirəm ki, öz oxucularınıza Azərbaycanın gənc və yeni başlayan rəssamlarını tanıdırsınız.