Tehranda Amerikanın "Azad Avropa/Azadlıq Radiosu" (RFE/RL) media korporasiyasının keçmiş əməkdaşı Rza Vəlizadə həbs edilib.

"Azadlıq Radiosu"-nun öz mənbəsinə istinadən verdiyi məlumata görə, o, təxminən üç həftə əvvəl uzun illər xaricdə yaşadıqdan sonra İrana qayıdarkən saxlanılıb. Həm İran, həm də ABŞ vətəndaşlığına malik olan Vəlizadə xarici media ilə əməkdaşlıqda ittiham olunub.

Jurnalist "Radio Farda"da (RFE/RL-in farsdilli xidməti) çalışıb, lakin 2022-ci ilin noyabrında oradan işdən çıxıb. Avqust ayında o, Twitter-də İrana qayıtmağı planlaşdırdığını və İslam İnqilabı Keşikçiləri Korpusunun nümayəndələri ilə danışıqların yarısını tamamladığını yazıb.

N.Təbrizli