AZAL 2022-ci ildə aldığı subsidiyadan istifadə etməyib
24.05.2023 16:26
2022-ci il dövlət büdcəsindən dövlət müəssisələrinə ayrılan subsidiyaların həcmi 25% artaraq 697,5 milyon manat təşkil edib. Bu barədə Hesablama Palatası 2022-ci ilin Dövlət Büdcəsinin İcrası üzrə rəyində bildirib.
2022-ci ildə dövlət büdcəsindən ayrılan subsidiyaların ümumi həcmi 1 milyard 401,7 milyon manat (2021-ci ilin göstəricisindən +1,2%) təşkil edib. Bununla yanaşı, dövlət müəssisələrinə subsidiyalar 697,5 milyon manat (+25%) təşkil edib.
Nəticədə 2022-ci ildə dövlət müəssisələrinin subsidiyalaşdırılmasının xüsusi çəkisi 9,5 faiz bəndi artaraq 49,8%-ə çatıb.
Bununla yanaşı, 2022-ci ildə qeyri-dövlət strukturlarının subsidiyalaşdırılması 26,6% azalaraq 82,3 milyon manata, hüquqi şəxslərin subsidiyalaşdırılması 13% azalaraq 621,9 milyon manata düşüb.
"Aparılan təhlillər göstərdi ki, dövlət müəssisələrinə subsidiyalar publik hüquqi şəxslərə, "Azərkosmos”a, Qida Təhlükəsizliyi Agentliyinə və Bakı Metropoliteninə verilən subsidiyaların həcminin artması hesabına artıb”, - palata vurğulayır.
Eyni zamanda, palata qeyd edir ki, heç də bütün dövlət şirkətləri alınan subsidiyalardan istifadə etmir.
"Məsələn, 2022-ci ildə AZAL 89,5 milyon manat subsidiya alıb ki, bunun da 63,1 milyon manatı istifadə olunub, 2022-ci ilin sonuna isə 26,4 milyon manat şirkətin bank hesabında qalıb”, - rəydə vurğulanıb.
Palatann rəyinə görə, subsidiya alan bir çox dövlət şirkətləri onlardan başqa məqsədlər üçün istifadə edirlər.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
