Anews.az saytı iqtisadçı ekspertlərlə "AZAL” –ın necə işləməsi barədə müzakirə aparıb.
Ekspert Samir Əliyevin sözlərinə görə dövlət şirkətlərində artıq dəyişiliklər olmalıdır.
"Prezidentin
bu tip çıxışları çox olub və cəmiyyət hər dəfə ciddi dəyişikliklər olacağını gözləsə
də , təəssüflər olsun ki, bu cür çıxışlar gözlənilən nəticələr verməyib. Ölkə başçısının son çıxışlarından gəlinən nəticələr odur ki, idarəetmədə, hesabatlarda, bir sözlə
bu sektorların özəlləşdirilməsi ilə bağlı əsaslı dəyişiliklər olmalıdır. Bəs bu
dəyişiliklər olacaqmı? Bu suala cavab vermək çox çətindir".
Ekspertin sözlərinə görə, İlham Əliyev dəfələrlə Azərbaycan iqtisadıyyatının dövlətin əlində olduğunu bildirib. Bu da o deməkdir ki, özəl
sektor kənarda qalıb və dövlət bütün biznesi əlinə alıb. Neft sektoru, komunal,
nəqliyyat, dəmir yolu, hava, su infrastrukturu dövlətin əlindədir. Belə olan halda sağlam rəqabətdan danışmaq olmaz.
İqtisadçı, deputat Rüfət Quliyev isə saytımıza açıqlamasında bildirdi ki, bu sahədə islahatlar mərhələli şəkildə həyata keçirilir və pandemiyanın olması prosesləri daha da sürətləndirdi.
"Mən daha öncələr də iri şirkətlərin fəaliyyətində problemlər çoxluğundan danışmışam. "AZAL"-a gəldikdə isə Azərbaycanda da digər ölkələrdə olduğu kimi hava limanlarını icarəyə vermək olar. Dünyada 60 faiz aireportlar xarici şirkətlərə icarəyə verilib. İqtisadiyyatın liberallaşmasından qorxmaq lazım deyil. Sadəcə xarici şirkətləri dəvət etmək lazımdır ki, dövlətin nəzarəti altında öz fəaliyyətlərini aparsınlar".
Deputatın
fikrincə, iqtisadiyyat dövlət tərəfindən idarə olunmalıdır.
"Bütün
inkişaf etmiş ölkələrdə iqtisadiyyatı dövlət idarə edir. Razıyam ki, özəlləşmə
olmalıdır. Amma buna tam özəlləşmə demək doğru olmazdı. Sadəcə dünya ölkələrinin
praktikasından istifadə edərək hava
limanlarını 25, 49 illik icarəyə verməklə işlətmək lazımdır”, – deyə Quliyev əlavə etdi.
Ekspert Rəşad Həsənovun sözlərinə görə isə bu cür islahatlar çoxdan olmalıdır.
"2017-ci ildən sonra neftin qiymətinin stabilləşməsi bütün bu prosesləri ləngitməyə başladı. Hökümət əvvəlki kimi öz ampulasına qayıtdı. Ümid edək bu dəfə daha ciddi qərarlar qəbul ediləcək. Bütün istiqamətlərdə hökümətin özünü yeniləməyə ehtiyacı var. Görünən odur ki, köhnə qaydalar effekt vermir. İqtisadiyyat liberallaşmalıdır. Dövlət iqtisadiyyatdan çəkilməlidir. Özəl sektor idarəetməyə cəlb edilməlidir. Özəl sektorun idarəetməyə cəlb edilməsi şəffaflığın təşkil edilməsi deməkdir".
Ekspertin
fikrincə, iri şirkətlər sadəcə böyük yük formalaşdırır.
"İdarəetmənin
özünün təkmilləşməyə ehtiyacı var.
"AZAL" həm aireportları idarə edir, həm də hava
nəqliyyatı şirkəti kimi fəaliyyət göstərir. Bu maraqlar rəqabətin qarşısını alır. Rəqabətli
mühit yaradılmasını istəyiriksə konkurensiya olmalıdır. "AZAL" isə hər iki istiqamətdə idarəetməni əlində cəmləşdirib
və monopoliya formalaşdırıb. Ölkəyə aşağı büdcəli şirkətlər gəlmir. Çünki şirkətləri
Azərbaycan bazarına daxil olmağa qoymurlar. Qiymətlər yüksəkdir. Statistikaya
baxsaq ötən 7-8 ildə Azərbaycanın bütün beynəlxalq hava limanlarında sərnişin
daşıma azalıb. Ölkənin 5 hava limanında sərnişin daşıma son iki ildə daha da
aşağı düşüb. Ortada bu qədər problemlər yarandığı üçün özəl sistemin idarə
olunmasına ehtiyac var", - deyə ekspert bildirdi.
Gülnar Nazimqızı
www.anews.az
Bizi sosial şəbəkələrdə izləyin !