Azərbaycan 5 ayda Türkiyədən 900 milyon dollarlıq mal alıb

2024-cü ilin yanvar-mayında Azərbaycan Türkiyədən 888,385 milyon ABŞ dolları dəyərində mal idxal edib. Bu da ötən ilin eyni dövrünə nisbətən 2,8 % azdır. Bu barədə Türkiyənin Ticarət Nazirliyi bildirir. 

Cari ilin 5 ayında Türkiyənin Azərbaycana ixracı ümumi ixracın 1 %-ni təşkil edib.

Hesabat dövründə Türkiyənin ümumi ixracının dəyəri illik müqayisədə 3,2 % artaraq 92 milyard 537,971 milyon ABŞ dollara çatıb.

 

Ötən  il Azərbaycandan Türkiyəyə ixracın həcmi 2022-ci illə müqayisədə 51.2% və ya 1 milyard 814 milyon dollar artaraq 5 milyard 359.3 milyon dollara, Türkiyədən Azərbaycana ixracın həcmi isə 0.3% və ya 6.1 milyon dollar azalaraq 2 milyard 291 milyon dollara bərabər olub.

Hesabat dövründə Azərbaycandan Türkiyəyə 783 milyon 861 min dollar dəyərində qeyri-neft məhsulları ixrac edilib ki, bu da 2022-ci ilə müqayisədə 9.9% çoxdur.

 2023-cü ildə Azərbaycanın ümumi ticarət dövriyyəsi 51 milyard 183 milyon dollar, qeyri-neft ixracı isə 3.3 milyard dollar təşkil edib.

 

Aytac Zeynalova