Komissiyanın həmsədri, Azərbaycanın energetika naziri Pərviz Şahbazov Albaniyanın baş nazirinin müavini, infrastruktur və energetika naziri Belinda Balluku ilə görüşündə bildirib ki, 2026-cı ildən etibarən Azərbaycan qazının Albaniyaya illik ixracı 200 milyon kubmetr olacaq.  Bu qaz genişləndirilmiş TAP boru kəməri vasitəsilə  ixrac olunacaq. 

Albaniya bu qazı TAP yaxınlığında tikilən (stansiya Yunanıstan şirkəti tərəfindən tikilir) yeni istilik stansiyası üçün almaq niyyətindədir. 

Genişləndirilmiş TAP  boru kəməri vasitəsilə qalan bir milyard kubmetr qaz Albaniyadan keçməklə Aİ-yə tranzit olunacaq və bu tədarükü Azərbaycan Qaz Təchizatı Şirkəti (Şahdəniz yatağından hasil olunan qaz) həyata keçirəcək. 

Energetika Nazirliyinin məlumatına görə,  TAP-ın Albaniya ərazisindən tikintisi zamanı bu ölkəyə 1,5 milyard avroya başa gəlib. 25 il ərzində  tranzit vergiləri 285 milyon avro,  sosial öhdəliklər - 14 milyon avro təşkil edəcək.

 

Energetika Nazirliyinin press-relizində qeyd edildiyi kimi, hər iki nazir Bakıda SOCAR-ın Albaniyanın Korça şəhərinin qazlaşdırılmasında göstərdiyi yardımı, habelə Dumrea şəhərində Albaniyanın qaz anbarından istifadə perspektivlərini müzakirə edib. .

"Azərbaycan-Albaniya əlaqələri fəal siyasi dialoqa və dinamik inkişaf edən əməkdaşlığa əsaslanan yeni səviyyəyə yüksəlib, ikitərəfli və Avropa kontekstində bu əməkdaşlıq enerji baxımından strateji əhəmiyyətli sahə kimi qiymətləndirili", - məlumatda deyilir.

Şahbazov onu da bildirib ki, bu il Azərbaycanın sədrliyi ilə keçiriləcək COP29 sessiyası Azərbaycan və Albaniyanın həmrəyliyinin təsdiqi, beynəlxalq arenada bir-birini dəstəkləməsi üçün daha bir platformaya çevriləcək.