Eyni zamanda, noyabrda bankların cəmi aktivləri 25,9 milyon manat (oktyabrda artım 616,1 milyon manat) artıb.

Bankların Mərkəzi Bankdakı müxbir hesablarındakı vəsaitlərinin həcmi 11 ayda 44,5% azalaraq 3 milyard 515,5 milyon manat olub.

Noyabrın sonuna bankların kredit portfeli 22 milyard 881,8 milyon manat təşkil edib (2022-ci ilin sonu ilə müqayisədə 16,8% artım qeydə alınıb).

Azərbaycanda bankların ümumi kapitallaşması 6 milyard 12,1 milyon manat (artım 6,9%) olub.

Bankların öhdəlikləri 40 milyard 160,4 milyon manata (azalma 3,1%) bərabərdir. O cümlədən, bankların Azərbaycan Mərkəzi Bankı qarşısında öhdəlikləri 50,6 milyon manat (azalma 4,3 dəfə) həcmində qiymətləndirilir. Banklardakı depozit portfeli 33 milyard 225,7 milyon manat (azalma 1,6 faiz), o cümlədən əhalinin əmanətləri 12 milyard 253,5 milyon manat (artım 6,7 faiz) təşkil edib.

Tənzimləyicinin məlumatına görə, yanvar-noyabrda bankların ümumi xalis mənfəəti 997,4 milyon manat (2022-ci ilin 11 ayı ilə müqayisədə 16% artım) həcmində təşkil edib.

Hesabat dövründə bankların faiz gəlirləri 3 milyard 177,7 milyon manat (artım 28,6 faiz), o cümlədən verilmiş kreditlər üzrə 2 milyard 336,6 milyon manat (artım 17,2 faiz) təşkil edib.

Bankların qeyri-faiz gəlirləri 1 milyard 215,7 milyon manat (artım 12,8%) olub.

Bankların faiz xərcləri 755,7 milyon manat (artım 27,5%), o cümlədən depozitlər üzrə 536,5 milyon manat (artım 30%) təşkil edib.

Bankların qeyri-faiz xərcləri 2 milyard 72,6 milyon manata (artım 23,9 faiz) bərabər olub. 

Yanvar-noyabrda Azərbaycanın bank sektorunun əməliyyat mənfəəti 1 milyard 521,2 milyon manat (artım 22,7%)  təşkil edib. 

Bütövlükdə, hesabat dövründə bankların vergidən əvvəlki məcmu mənfəəti 1 milyard 252 milyon manat (artım 18,6 faiz), mənfəət vergisi ödənişləri 254,6 milyon manat (artım 29,5 faiz) səviyyəsində qiymətləndirilir.

30 noyabr 2023-cü il tarixinə Azərbaycanda 23 bank, o cümlədən 9 xarici kapitallı bank (2022-ci ilin sonuna - 10 bank) fəaliyyət göstərmək üçün lisenziyaya malik olub. 

Ümumilikdə bankların 474 filial şəbəkəsi (2022-ci ilin sonu ilə müqayisədə 2,7% azalma) və 86 filialı (2022-ci ilin sonuna 91) fəaliyyət göstərib.  Bu göstəricilərin azalması oktyabrda "Muğanbank” ASC-nin fəaliyyətinə verilmiş lisenziyanın ləğv edilməsi ilə bağlıdır.

Azərbaycanın bank sektorunda 23 354 nəfər çalışır (2022-ci ilin sonu ilə müqayisədə 2,5% artım .

 

Bununla yanaşı, noyabrda bank sektorunda çalışan işçilərin sayı oktyabr ayı ilə müqayisədə 62 nəfər artıb, oktyabrda sentyabrla müqayisədə isə 238 nəfər azalıb.