Azərbaycan beynəlxalq bazardan $1-1,2 milyard borc alacaq

16:48 | 10.11.2022
Azərbaycanın Maliyyə Nazirliyi 2023-2024-cü illərdə avrobond bazarına çıxmağı planlaşdırır, bunu maliyyə naziri Samir Şərifov anews.az-a açıqlamasında deyib.

"2023-2024-cü illərdə biz beynəlxalq bazarlarda istiqrazlarımızı buraxmağı planlaşdırırıq. Bu, 2023-cü ilin sonu – 2024-cü ilin əvvəlinə təsadüf edəcək”, -  Şərifov  bildirib.

Onun sözlərinə görə, 2024-cü ilin fevralında Maliyyə Nazirliyi tərəfindən buraxılmış 10 illik avrobondların  tədavül müddəti başa çatır.

Nazir hənmçinin bildirib ki,  avrobondların emissiya həcmi 1-1,2 milyard dollara çata bilər.

2014-cü ildə Maliyyə Nazirliyi tərəfindən 1,25 milyard ABŞ dolları məbləğində 10 il müddətinə illik 5%-lə avrobondların debüt emissiyası yerləşdirilib.  

Maliyyə Nazirliyinin avrobondlarının alınmasına 160-dan çox ölkədən olan institusional investorlar maraq göstərib. İnvestorlar tərəfindən verilmiş müraciətlərin ümumi həcmi emissiya həcmini 4 dəfə üstələyib.

Yerləşdirmə nəticəsində avrobondların 47%-i ABŞ-dan, 25%-i Böyük Britaniyadan, 18%-i Almaniyadan, 10%-i digər ölkələrdən investorlar tərəfindən alınıb.
 
N.Təbrizli
 
İStiQAMƏT:5.3.6. Azərbaycan Respublikasının dünya birliyinə inteqrasiyası, region ölkələri və
digər dövlətlərlə, beynəlxalq təşkilatlarla əməkdaşlığının inkişaf etdirilməsi;
QEYD: Yazı Medianın İnkişafı Agentliyinin maliyyə dəstəyi çərçivəsində hazırlanıb.

www.anews.az
0
Bizi sosial şəbəkələrdə izləyin !

REKLAM