Azərbaycan büdcəsinin xərcləri artırılıb
22.11.2022 15:55
Azərbaycanın İsrail, Albaniya və Keniyada açacağı səfirliklərin, Fələstində fəaliyyətə başlayacaq nümayəndəliyinin saxlanılmasına 2023-cü ilin dövlət büdcəsindən 15,9 milyon manat vəsaitin ayrılması planlaşdırılır. Bunu Milli Məclisin İqtisadi Siyasət, Sənaye və Sahibkarlıq Komitəsinin iclasında maliyyə nazirinin müavini Azər Bayramov bildirib.
Onun sözlərinə görə, parlamentin saxlanılması xərcləri də 4,1 milyon manat artırılacaq.
"Beləliklə, ümumilikdə 20 milyon manat əlavə xərc gözlənilir ki, bu da Naxçıvana dotasiyanın azaldılması hesabına baş tutacaq. Artıq bu məsələ muxtar respublikanın rəhbərliyi ilə razılaşdırılıb", - Bayramov bildirib.
Onun sözlərinə götə, 2023-cü il üçün icmal büdcənin gəlirləri 33,026 mlrd manat, xərcləri 37,969 mlrd manat, kəsir isə 4,944 milyard manat olacaq.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
