Dünyada sürətlə yayılan koronavirus (COVİD-19) Azərbaycandan
da yan keçmədi. Bir çox dövlətlərdə olduğu kimi Azərbaycanda da bu virusa qarşı
mübarizə tədbirləri həyata keçirilib. Bəs Azərbaycanda hərbi hissələrdə və ön cəbhələrdə
koronavirusla mübarizə necə aparılır?
"Bütün güc strukturlarında sərhəd xidmətlərində, daxili qoşunlarda, o yerdəki şəxsi heyət bir binanın içində nəfəs-nəfəsə yatır, ora hər hansı bir vurusun düşməsi, epidemiyanın yayılması çox dəhşətli nəticələr verə bilər və kütləvi qırılma ilə nəticələnəcək. Odur ki, koronavirusa yoluxma qorxusu yaranan kimi bütün hərbi hissələri karantinə alındı. Martın əvvəlindən son dərəcədə ciddiləşdi. Bütün şəxsi heyət evə buraxılmadı. Şəxsi heyət olan yerə giriş-çıxış məhdudlaşdırıldı. Ərzaq və sursat gətirənlər məsafədən dezinfeksiya olundu. İndiyə qədər şəxsi heyyət arasında Azərbaycanda bir dənə də yoluxma halı baş verməyib. Bu gözəl haldır", - deyə Əlisəfa Mehdi bildirdi.
O, həmçinin bildirdi ki, martın 23-dən artıq daxili qoşunların, Müdafiə Nazirliynin şəxsi heyəti nin əsgərləri yerlərdə postlara cəlb edildilər.
"Hələ Çində koronavirus xəstəliyi
yayılanda Azərbaycan Silahlı Qüvvələrində Müdafiə Nazirliyi müfaviq baş tibb
idarəsi rəhbərliyi ilə lazım olan maarifləndirmə işlərini aparırdı. Azərbaycan
Silahlı Qüvvələri hərbi hissə və bölmələri artıq bu virusa qarşı mübarizədə
qabaqlayıcı tədbirlər görərək tam hazır vəziyyətə gətirilmişdi.
Tibb xidməti, dezinfeksiya məsələləri
və şəxsi heyətin gigeniya məsələləri tam nəzarətdə idi. Azərbaycanda bayram
öncəsi adətən açıq qapılar elan olunurdu. Virusla əlaqədar bu bayram da istisna oldu
və açıq qapılar elan olunmadı. Valideynlərdən xahiş olundu ki, hərbi hissələrə
gəlməsinlər. Bunun əvəzinə Müdafiə Nazirliyi tərəfindən hərbi hissə və
bölmələrdə xidmət edən əsgərlər üçün onlayn şəraitdə görüntülü və görüntüsüz valideynləri ilə bayramlaşmağa imkan yaradıldı".
Ekspert həmçinin dedi ki, hərbi hissələrə daxil olan
texnika da dezinfeksiya olunur, əsgərlərin
immunitetini qaldırmaq üçün lazım olan qidalar verilir.
Ramaldnovun sözlərinə görə, gigiyena məsələləri də tam nəzarət altındadır.
Hərbi hissələr yerləşən bütün ərazilər, eləcə də ön cəbhə, postlar hamısı
vaxtı-vaxtında dezinfeeksiya olunur.
www.anews.az
Bizi sosial şəbəkələrdə izləyin !
