Azərbaycan hökuməti Əfqan Muxtarlıya 8500 avro ödəyəcək
05.09.2024 14:48
Avropa İnsan Haqları Məhkəməsi azərbaycanlı jurnalist Əfqan Muxtarlının Gürcüstan və Azərbaycana qarşı iddiasını təmin edib .
AİHM qərarına əsasən, Gürcüstan oğurlama, amansız rəftar və qanunsuz olaraq Azərbaycana göndərmə haqqında işdə Avropa İnsan Hüquqları Konvensiyasının 3-cü (işgəncələrin qadağan edilməsi) və 5-ci (azadlıq və şəxsi toxunulmazlıq hüququ) maddələrini pozub. Bu səbədən məhkəmə Gürcüstan hökumətini Muxtarlıya 12 500 avro dəyərində təzminat ödəməsi barədə qərar verib.
Məhkəmə həmçinin Azərbaycanın Konvensiyanın 5 (3) (azadlıq və şəxsi toxunulmazlıq hüququ), həmçinin 8-ci (şəxsi və ailə həyatına hörmət hüququ) maddələri pozduğunu müəyyən edərək Azərbaycanın 8500 avro ödəməli olduğu barədə qərar çıxarıb.
Muxtarlı 2015-ci ildə Azərbaycanı tərk edib. O, 2017-ci ilin mayında Tbilisinin mərkəzində Gürcüstan poilisi tərəfindən saxlanılıb və Azərbaycanla sərhədə gətirilərək təslim edilib.
Azərbaycanda o, dövlət sərhədini qanunsuz keçməkdə və qaçaqmalçılıqda ittiham olunub və altı il azadlıqdan məhrumetmə cəzasına məhkum edilib.
2020-ci ilin martında Əfqan Muxtarlı sərbəst buraxılıb və Almaniyaya gedib.
Gürcüstan hakimiyyəti Muxtarlının oğurlanmasında iştirak etdiyini və Azərbaycan xüsusi xidmətləri ilə əməkdaşlıq etdiyini inkar edib.
Bu hadisədən sonra Gürcüstanda əks-kəşfiyyat və sərhəd xidmətinin rəhbərləri vəzifədən azad edilib.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
