Azərbaycan Mərkəzi Bankı islam istiqrazları olan Sukukların bazara buraxılması üzərində işləyir və artıq bununla bağlı qanunverici baza üzrəində iş gedir. Bu barədə Mərkəzi Bankın İdarə heyətinin sədri Taleh Kazımov uçot dərəcəsinin ean edilməsinə həsr olunan mətbuat konfransında bildirib.
"Hazırda biz bazarı öyrənirik. Birinci islam istiqrazları olan sukuk buraxmağı düşünürüq. Hiss edirik ki, bazarda bu məhsula ehtiyac ola bilər. Maliyyə sektorunda faizsiz məhsullara ehtiyac duyulur. Buna tam əmin olmaq üçün bazarı öyrənirik", - Kazımov bildirib.
Onun sözlərinə görə, Azərbaycan banklarından biri İslam İnkişaf Bankından bu məqsədlə vəsait alıb.
"Əgər maliyyə sektorunda apardığımız nəticələr müsbət olsa əvvəlcə "bir pəncərə" sistemini, sonra isə islam bankçılığını başlatmaq niyyətindəyik. Hələlik isə sukukdan başlayırıq", - Kzımov deyib.
Onun sözlərinə görə, islam bankçılığı üçün yeni hüquqi bazanın yaradılması 3-4 il vaxt tələb edəcək.
"Məqsəd maliyyə xidmətlərinə əhalinin çıxışını artırmaqdır", - idarə heyətinin sədri əlavə edib.
N.Təbrizli
www.anews.az
Bizi sosial şəbəkələrdə izləyin !
