Bu gün futbol üzrə Azərbaycan millisi 2018-ci il dünya çempionatının seçmə qrup mərhələsində növbəti oyununu keçirəcək.

Anews.az-ın məlumatına görə, C qrupunda yer alan yığmamız səfərdə Norveç komandasının qonağı olacaq.

Oslonun "Ulleval” stadionunda keçiriləcək qarşılaşma Bakı vaxtı ilə saat 22:45-də başlayacaq.

İlk 6 turdan sonra qrupa 18 xalla Almaniya başçılıq edir. Şimali İrlandiya 13 xalla ikinci, Çexiya yığması isə 9 xalla üçüncüdür.

7 xala malik olan Prosineçkinin yetirmələri dördüncü pillədə qərarlaşıblar. Komandamızdan 3 xal geri qalan Norveç beşinci, hesabında 0 xal olan San-Marino millisi isə sonuncudur.

Qeyd edək ki, bu görüşdən əlavə C qrupunda daha iki qarşılaşma baş tutacaq. Çexiya millisi qrup lideri Almaniyanı qəbul edəcək, Şimali İrlandiya isə autsayder San-Marinonun qonağı olacaq.
www.anews.az