Azərbaycan neft hasilatını azaldıb, qaz ixracını artırıb
11.12.2024 21:40
Azərbaycan 2024-cü ilin yanvar-noyabr;nda aylarında neft və qaz kondensatı hasilatını ötən ilin eyni dövründəki 27,6 milyon tondan 26,5 milyon tona qədər azaldıb. Bu barədə çərşənbə günü ölkənin energetika naziri Pərviz Şahbazov məlumat verib.
Cari ilin yanvar-noyabr;nda neft ixracı 23,1 milyon tondan 22,2 milyon tona qədər azalıb.
Nazir həmçinin bildirib ki, Azərbaycan yanvar-noyabr aylarında Avropaya qaz ixracını ötən ilin eyni dövründəki 10,85 milyard kubmetrdən 11,7 milyard kubmetrə qədər artırıb.
Ümumilikdə, qaz ixracı keçən ilin eyni dövrü ilə müqayisədə 22,05 milyard kubmetrdən 22,9 milyard kubmetrə qədər artıb.
Türkiyəyə qaz ixracı 9 milyard kubmetr, Gürcüstana isə 2,2 milyard kubmetr təşkil edib. O cümlədən, TANAP boru kəməri ilə Türkiyəyə qaz ixracı 5,1 milyard kubmetr olub.
Nazir əlavə edib ki, ölkədə qaz hasilatı cari ilin yanvar-noyabr aylarında ötən ilin eyni dövründəki 44,0 milyard kubmetrdən 45,8 milyard kubmetrə qədər artıb.
N.Təbrizli
www.anews.az
Foto 
Video 
