Azərbaycanın Kəlbəcər rayonunun Yuxarı Ayrım yaşayış məntəqəsi istiqamətində yerləşən mövqeləri atəşə tutulub. Bu barədə Müdafiə Nazirliyindən məlumat verilib.
Mayın 9-u axşam saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Əzizli yaşayış məntəqəsi istiqamətində yerləşən mövqelərindən Azərbaycan mövqelərini atıcı silahlardan istifadə etməklə fasilələrlə atəşə tutub.
Azərbaycan tərəfindən adekvat cavab tədbirləri görülüb.
Azərbaycanın şəxsi heyət və texnikasında itki yoxdur.
www.anews.az
Bizi sosial şəbəkələrdə izləyin !