Azərbaycan Qida Təhlükəsizliyi Agentliyinin sədr müavini Balaraqim Quliyev Rosselxoznadzorun rəis müavini Anton Karmazin ilə videokonfrans formatında danışıqlar aparıb, görüşdə Rusiya taxılının Azərbaycana tədarükünə nəzarət məsələləri müzakirə olunub. "Tərəflər məmnunluqla qeyd ediblər ki, ötən il Azərbaycana 1,3 milyon ton Rusiya taxıl məhsulu göndərilib.
Bundan əvvəl "Rosselxoznadzor” Rusiyadan gətirilən taxıl məhsullarının Azərbaycanın karantin fitosanitar tələblərinə uyğun gəlməməsi ilə bağlı Azərbaycan hakimiyyət orqanlarından bildirişlər alıb. Bu baxımdan danışıqların əsas mövzusu təyinat ölkəsinin tələblərinə tam cavab verən taxıl tədarükünün təmin edilməsi olub.
"Xidmət ixraca göndərilən taxıl məhsullarına nəzarətin gücləndirilməsi istiqamətində həyata keçirilən tədbirlər, o cümlədən karantin və bitki mühafizəsi sahəsində qanunvericilikdə edilən dəyişikliklər barədə azərbaycanlı həmkarlarını ətraflı məlumatlandırıb. Bunu nəzərə alaraq, Azərbaycanın səlahiyyətli qurumu Azərbaycan Respublikasının müvafiq qurumları tərəfindən ölkəyə ixraca göndərilən taxıl məhsullarına nəzarətin gücləndirilməsi istiqamətində görülən tədbirlər barədə ətraflı məlumat verib. Rosselxoznadzor idxal taxıl məhsulları üçün fitosanitar tələbləri yenilədi ki, bu da "Rusiya taxılında karantin zərərvericilərinin aşkarlanması risklərini minimuma endirməyə imkan verəcək. Bundan əlavə, tərəflər bitki mənşəli məhsulların qarşılıqlı tədarükünü tənzimləyən ikitərəfli sazişin bağlanması məsələsini hazırlamaq barədə razılığa gəliblər. ”, - məlumatda vurğulanır.
Bu tədbirlər ölkələr arasında kənd təsərrüfatı məhsullarının qarşılıqlı ticarətini artırmaq məqsədi daşıyır.
N.Təbrizli
www.anews.az
Bizi sosial şəbəkələrdə izləyin !
