Azərbaycan və Gürcüstan Kür çayı ilə bağlı müqavilə imzalayacaq
28.08.2024 14:37
Azərbaycan və Gürcüstan Kür çayının su ehtiyatları və onlardan istifadədə məlumatların mübadiləsi ilə bağlı müqavilə imzalamaq niyyətindədirlər. Bu barədə Ekologiya və Təbii Sərvətlər Nazirliyinin (ETSN) Ekoloji siyasət şöbəsinin müdir müavini Rafiq Verdiyev "Su İdarəetmə Sistemlərinin iqlimə Dayanıqlı Kənd Təsərrüfatında Rolu: COP29 Dəyirmi Masa Müzakirələri” mövzusunda keçirilən tədbirdə deyib.
"Kür çayında qar ehtiyatları, hövzədə olan vəziyyət bizim üçün önəmlidir. Biz daha dəqiq biləcəyik ki, Kür çayının Azərbaycandan yuxarı hissələrində yaz dövründə nə qədər su gözlənilir. Bu sudan istifadəçilər üçün dəqiq proqnoz verməyə imkan verəcək”, - nazirlik rəsmisi bildirib.
Onun sözlərinə görə, yaxın günlərdə bu müqvilənin bağlanacağı gözləniliri.
N.Təbrizli
www.anews.az
Foto 
Video 
