Azərbaycanda 65 mindən çox yeni iş yeri açılıb – STATİSTİKA

2014-cü ilin yanvar-iyun ayları ərzində ölkədə 65,1 min yeni, o cümlədən 52,8 min daimi iş yeri açılıb.ANN.Az APA-Economics-ə istinadən xəbər verir ki, Dövlət Statistika Komitəsindən verilən məlumata görə, açılmış daimi iş yerlərinin 13,7%-i yeni yaradılmış müəssisə və təşkilatlarda, 12,1%-i mövcud müəssisə və təşkilatlarda, 0,7%-i fəaliyyətini bərpa etmiş müəssisə və təşkilatlarda, 73,5%-i isə fiziki şəxslər tərəfindən yaradılıb.Yeni iş yerlərinin 69,3%-i regionların, o cümlədən 19,8%-i Aran, 14,7%-i Gəncə-Qazax, 9,5%-i Abşeron, 6,7%-i Lənkəran, 4,2%i Quba-Xaçmaz, 5,2%-i Şəki-Zaqatala, 3,2%-i Dağlıq Şirvan, 2,8%-i Yuxarı Qarabağ, 2,5%-i Naxçıvan, 0,7%-i isə  Kəlbəcər-Laçın iqtisadi rayonunun payına düşüb.Yanvar-iyun ayları ərzində 83,9%-i özəl sektorda açılmış yeni iş yerlərindən daimi iş yerləri tam olaraq qeyri-neft sektorunda, o cümlədən 5,6%-i tikinti, 3,0%-i emal sənayesi, 3,5%-i ticarət; nəqliyyat vasitələrinin təmiri, 1,7%-i dövlət idarəetməsi, sosial təminat, 2,6%-i əhaliyə səhiyyə və sosial xidmətlərin göstərilməsi, 1,0%-i peşə, elmi və texniki fəaliyyət, 0,6%-i maliyyə və sığorta fəaliyyəti, 0,7%-i kənd təsərrüfatı, meşə təsərrüfatı və balıqçılıq, eləcə də digər fəaliyyət sahələri üzrə ixtisaslaşan müəssisə və təşkilatlarda yaradılıb.ANN.Az