31 dekabr 2022-ci il tarixinə Azərbaycanda bankların aktivləri 47 milyard 54,9 milyon manat təşkil edib. Beləliklə, 2023-cü ildə bank aktivləri 4,5% artıb.

Bununla yanaşı, dekabrda bankların cəmi aktivləri 3 milyard 5,7 milyon manat (noyabrda artım 25,9 milyon manat) artıb.

Bankların Mərkəzi Bankdakı müxbir hesablarındakı vəsaitlərinin həcmi ötən il 1% artaraq 6 milyard 390,29 milyon manat olub.

Bankların kredit portfeli dekabrın sonuna 23 milyard 182,95 milyon manat (2022-ci ilin sonu ilə müqayisədə 18,3% artım) təşkil edib.

Azərbaycanda bankların ümumi kapitallaşması 6 milyard 63,35 milyon manatdır (artım 7,8%).

Bankların öhdəlikləri 43 milyard 114,8 milyon manata (artım 4,1%) bərabər olub. O cümlədən, bankların Azərbaycan Mərkəzi Bankı qarşısında öhdəlikləri 47,1 milyon manat (azalma 4,6 dəfə) səviyyəsində qiymətləndirilir. Banklardakı depozit portfeli 34 milyard 550,08 milyon manat (artım 2,3 faiz), o cümlədən əhalinin əmanətləri 12 milyard 582,16 milyon manat (artım 9,6 faiz) təşkil edir.

Tənzimləyicinin məlumatına görə, 2023-cü ildə bankların cəmi xalis mənfəəti 1 milyard 76,4 milyon manat təşkil edib (2022-ci illə müqayisədə 17,7% artım).

Hesabat dövründə bankların faiz gəlirləri 3 milyard 492,89 milyon manat (artım 27,5 faiz), o cümlədən verilmiş kreditlər üzrə 2 milyard 573,76 milyon manat (artım 17,3 faiz) təşkil edib.

Bankların qeyri-faiz gəlirləri 1 milyard 368,2 milyon manat (artım 12,5%) olub.

Bankların faiz xərcləri 839,36 milyon manat (artım 27,6%), o cümlədən depozitlər üzrə 595,96 milyon manat (artım 29,8%) təşkil edib.

Bankların qeyri-faiz xərcləri 2 milyard 335,69 milyon manata (artım 23,9%) bərabər olub. 

Azərbaycanın bank sektorunun əməliyyat mənfəəti 2023-cü ilin sonuna 1 milyard 641,2 milyon manat (artım 19,7%) təşkil edib.

Bütövlükdə, hesabat dövründə bankların vergidən əvvəlki məcmu mənfəəti 1 milyard 384,59 milyon manat (artım 17,7%), mənfəət vergisi ödənişləri 308,17 milyon manat (artım 17,8%) səviyyəsində qiymətləndirilir.

31 dekabr 2023-cü il tarixinə Azərbaycanda 23 bank, o cümlədən 9 xarici kapitallı bank (2022-ci ilin sonuna - 10 bank) fəaliyyət göstərmək üçün lisenziyaya malikdir.

Ümumilikdə bankların 475 filial şəbəkəsi (2022-ci ilin sonu ilə müqayisədə 2,5% azalma) və 96 filialı (2022-ci ilin sonunda 91) var. Filialların sayının azalması oktyabr ayında "Muğanbank” ASC-nin fəaliyyəti üçün lisenziyanın ləğvi ilə əlaqədardır.

Azərbaycanın bank sektorunda 23 569 nəfər çalışıb (2022-ci ilin sonuna olan göstərici ilə müqayisədə 3,5% artım). Bununla yanaşı, dekabrda bank sektorunda çalışan işçilərin sayı noyabr ayı ilə müqayisədə 215 nəfər artıb (noyabrda oktyabr ayı ilə müqayisədə 62 nəfər artıb).

 

​