Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramovun sözlərinə görə, Azərbaycanda ən qısa zamanda uyğun imkanlar çərçivəsində  "A-98 SUPER” və "A-95 PREMİUM” benzini istehsal olunmalıdır. Əgər "A-98 SUPER” və "A-95 PREMİUM” benzini Azərbaycanda istehsal olunmağa başlasa, idxala tələbat azalacaq və ölkə daxilində qiymət tənzimlənməsi müəyyənləşəcək. Düşünürəm ki, SOCAR ən qısa zamanda istehsalla bağlı vacib olan bütün imkanları reallaşdırmalıdır",- deyə əlavə etdi.
 
İqtisadçı ekspert Xalid Kərimli isə bildirib ki, "A-98 SUPER” və "A-95 PREMİUM” markalı benzinin qalxması ən çox müasir və Avropa buraxılışlı avtomobillərin sürücülərinə mənfi təsir edəcək.
 
"Azərbaycan hökuməti də maraqlıdır ki, insanlar yeni avtomobillər sürsün. Bu həm də ekologiya baxımından əhəmiyyətlidir. Qısa müddət ərzində 1.10 qəpikdən 1.60 qəpiyə artma təqribən 42-43 faizlik artım deməkdir. Qiymət artımı yəqin ki, SOCAR-ın mənfəətinə müsbət təsiri ola bilər. Ümumilikdə benzinin qalxmasını məhsul artımı ilə əlaqələndirmək düzgün deyil. Məhsulların qiymətindəki artım dünyada baş verən proseslərə bağlıdır. Azərbaycanda qiymət artımını müşahidə edirik. Bununla yanaşı Maliyyə Nazirliyinin 2022-ci ilin büdcəsində orta əmək haqqının 2021-ci illə müqayisədə 743 manatdan 795 manata artacağı gözləntisi var. Əməyin ödənişi və sosial ödənişlərin artması təxmini 10.5 faizlik artımla planlaşdırılır. Artımın nə qədər olacağı isə prezidentin verdiyi sərəncam və fərmanlardan sonra müəyyən olunacaq",-deyə ekspert qeyd edib.

Sonucu dəfə "Aİ-95” ("Premium”) markalı yanacağın pərakəndə satış qiyməti  cari ilin 31 iyulunda dəyişərək 1.40 AZN-dən 1.45 AZN-ə qalxıb.
 
Gülnar Nazimqızı

www.anews.az