2023-cü ilin yanvar-fevralında əhalinin banklardakı əmanətləri (fərdi sahibkarlıq fəaliyyəti ilə məşğul olan fiziki şəxslərin vəsaitləri daxil olmaqla) 1,4% artaraq 11 milyard 901,8 milyon manatad təşkil edib. Bu barədə Azərbaycan Mərkəzi Bankından (AMB) məlumat verilib.
Bu ilin fevralında əhalinin banklardakı əmanətləri 26,7 milyon manat azalıb.
2023-cü ilin ilk iki aynda əhalinin milli valyutada əmanətlərinin həcmi 2,2% artaraq 7 milyard 298,5 milyon manat təşkil edib ki, bu da bütün əmanətlərin 61,3%-nə bərbərdir. Fevralda milli valyutada əmanətlərin həcmi 1 milyon manat azalıb.
2023-cü ilin Yanvar-fevralda əhalinin xarici valyutada bank əmanətləri 0,01% azalaraq 4 milyard 603,3 milyon manata təşkil edib ki, bu da bütün əmanətlərin 38,7%-i qədərdir. 2022-ci ilin yekunlarına görə, Azərbaycanda xarici valyutada əmanətlərin xüsusi çəkisi 39,2% təşkil edib.
Fevralda əhalinin xarici valyutada bank əmanətləri 25,7 milyon manata kimi azalıb.
Rezidentlərin banklardakı əmanətlərinin həcmi 10 milyard 741,8 milyon manat, qeyri-rezidentlərin – 1 milyard 160 milyon manat təşkil edir. Yanvar-fevralda rezidentlərin əmanətlərinin həcmi 1,6% artıb, qeyri-rezidentlərin əmanətlərinin həcmi isə 1,2% azalıb.
2023-cü il fevralın 28-nə banklarda əmanət və depozitlərin həcmi 35 milyard 179,2 milyon manat təşkil edib. Bu da 2022-ci ilin sonuna olan göstəricidən 3% azdır.
N.Təbrizli
www.anews.az
Bizi sosial şəbəkələrdə izləyin !