Azərbaycanda illik inflyasiya aşağı düşüb- STATİSTİKA
11.09.2023 12:39
2023-cü ilin avqustunda Azərbaycanda istehlak qiymətləri indeksi əvvəlki ilin avqustuna nisbətən 12 faiz aşağı düşüb. Bu barədə Dövlət Statistika Komitəsi məlumat yayıb.
Cari ilin səkkiz ayında istehlak qiymətləri indeksi 2022-ci ilin eyni dövrü ilə müqayisədə 111,7 %, o cümlədən ərzaq məhsulları, içkilər və tütün məmulatları üzrə 113,4 %, qeyri-ərzaq məhsulları üzrə 110,6 %, əhaliyə göstərilmiş ödənişli xidmətlər üzrə 110,2 % təşkil edib.
Avqustda əvvəlki ayla müqayisədə əhaliyə göstərilmiş ödənişli xidmətlərdən bahalaşma əsasən mənzillərin icarə haqlarında və hava nəqliyyatı ilə beynəlxalq sərnişindaşıma xidmətlərinin qiymətlərində müşahidə olunub. Digər ödənişli xidmətlərin qiymətlərində ciddi dəyişikliklər baş verməyib.
Dövlət Statistika Komitəsinin altı ayının hesabatına görə, Azərbaycanda inflyasiya 12,7% təşkil edib. Prezident İlham Əliyev 2023-cü ilin 6 ayının sosial-iqtisadi yekunlarına həsr olunmuş müşavirədə bildirib ki, Azərbaycanda inflyasiyanın iki rəqəmli olacağı proqnozlaşdırılsa da ilin sonuna kimi bu rəqəmin 10%-dan az olması da mümkündür.
2022-ci ildə Azərbaycanda orta illik inflyasiya 13,9% təşkil edib.
Aytac Zeynalova
www.anews.az
Oxşar xəbərlər
Oxşar xəbərlər
İqtisadiyyat
13:59
Korınski: Azərbaycanda institusional investorların birləşməsi mexanizmi hələ qurulmayıb
İqtisadiyyat
13:43
Azərbaycanda sekuritizasiya bazarının inkişafına mane olan 3 əsas amil açıqlanıb
İqtisadiyyat
13:41
Ermənistan parlamenti ABŞ ilə TRIPP layihəsi üzrə strateji sazişi ratifikasiya edib
Son xəbərlər 
Daha çox
Foto 
Video 
