Azərbaycanda 2022-ci ildə internet bankçılıq vasitəsilə aparılan əməliyyatların sayı təxminən 1,7 dəfə artıb. Bu barədə Mərkəzi Bankın baş direktoru Fərid Osmanov bildirib.
Onun sözlərinə görə, 2022-ci ildə Azərbaycanda internet bankçılıq vasitəsilə 211 milyard manatlıq əməliyyat həyata keçirilib.
"2022-ci ilin yekunlarına görə, internet bankçılıqda ödəniş əməliyyatlarının sayında artım 66%, əməliyyatların həcmi - 50%, əməliyyatların məbləği - 211 milyard manat təşkil edib", - Osmanov çərşənbə günü uçot dərəcəsinin elan edilməsinə həsr edilən mətbuat konfransında bildirib.
O qeyd edib ki, ötən il mobil bankçılıqda da artım müşahidə olunub. O cümlədən, əməliyyatların sayı 3 dəfə, əməliyyatların həcmi 2,9 dəfə artaraq 12 milyard manata çatıb.
Baş direktorun sözlərinə görə, bu göstəricilərin artması ölkə vətəndaşlarının bu vasitələrdən fəal istifadə etməsindən xəbər verir.
N.Təbrizli
www.anews.az
Bizi sosial şəbəkələrdə izləyin !