Azərbaycanda labarotoriyaların düzəlməsi üçün onilliklər lazımdır - Agentlik rəsmisi

18:01 | 11.07.2024
Azərbaycanda labarotoriyaların düzəlməsi üçün onilliklər lazımdır - Agentlik rəsmisi

Azərbaycanda labarotoriyaların düzəlməsi üçün onilliklər lazımdır - Agentlik rəsmisi

Elmi Tədqiqat İnistitutlarında labaratoriyaların vəziyyəti ürəkaçan deyil. Bunu Elmi Müəssisələrlə İş Şöbəsinin müdiri Mübariz Hacıyev deyib.   
 
"Elmdə yavaş-yavaş islahatlar aparmalıyıq. Elmi tədqiqat inistitutlarında çoxlu labatoriyalar var, amma onların çoxu heç də işlək vəziyyətdə deyil və müasir tələblərə cavab vermir. Bəzən yeni avadanlıqlar alınır, amma onlarla işləmək üçün mütəxəssislər yoxdur. Bu məsələlər üzərində çalışmaq lazımdır. Bu bir neçə ilin işi deyil. Bəzi labarotoriyaların quraşdırılması üçün onilliklər lazımdır", - Hacıyev jurnalistlərə açıqlamasında bildirib. 
 
Agentlik rəsmisi vurğulayıb ki, gənclər elm ilə məşğul olmağa meyilli deyillər.  

"Öz ixtisaslarını yaxşı qavrayan tələbələr universiteti bitirəndən  sonra elm ilə məşğul olmaq istəmir. Təhsillərini bitirəndən sonra müxtəlif təkliflər alır və daha gəlirli sahəylərə işləməyə gedirlər. Elmdə müəyyən səviyyəyə çatmaq üçün çalışmaq və uzun illər sərf etmək lazımdır", - o əlavə edib. 
 
Hacıyevin sözlərinə görə, hazırda Azərbaycanda 5 minə yaxın adam elmlə məşğul olur. Alimlər arasında ən yüksək maaş ayda 700-900 manat, ən az əmək haqqı isə 500 manat təşki edir. 
 
Azərbaycanda minimal əmək haqqı 340 manat, orta əmək haqqı isə 1000 manatdır.  
 
Gülnar Nazimqızı 
 

www.anews.az
0
Bizi sosial şəbəkələrdə izləyin !

REKLAM