Azərbaycanda otellərin gəliri artıb

Əldə edilən gəlirin 60,7%-i  nömrələrin (otaqların) təqdim olunması üzrə xidmətlərdən, 27,1% ictimai iaşə xidmətlərindən, 3,3% müalicə və sağlamlıq xidmətlərindən, 8,9 faizi isə digər xidmətlərin payına düşüb. 

 

2024-cü ilin yanvar-iyununda mehmanxana ) və mehmanxana tipli obyektlərdə keçirilən gecələmələrin sayı da 2023-cü illin eyni dövrü ilə müqayisədə 35,8% artaraq 1851,7 min nəfər təşkil edib.

 

Gecələmələrin ümumi sayının 66,5% Baknın payına düşüb. Bölgələr arasında otel xidmətindən daha çox Qusarda istifadə edilib. Belə ki, hoteldə qalanların  5,3% Qusar, 4,4% Naftalan 3,9% Quba, 3,6% Qəbələ, 3,3%  Şabran, 2% Lənkəran, 1,2%  Xaçmaz, 1% Naxçıvan Muxtar Respublikasını və 8,8 faizi digər şəhər və rayonlardakı mehmanxana və mehmanxana tipli obyektlərə müraciət edib. 

 

Əcnəbilərin və vətəndaşlığı olmayan şəxslərin keçirdiyi gecələmələrin sayı bu ilin ilk 6 ayıbda  2023-cü ilin yanvar-iyunu ilə  müqayisədə 37,1% artaraq 1080,9 min nəfər olub ki,  bu da ümumi gecələmələrin 58,4%-i  təşkil edir.

 

Daha çox otellərdən Hindistan vətəndaşları  istifadə edib.  Gecələmələrin ümumi sayının 21,1% Hindistan, 14,6% Rusiya Federasiyası, 7,8% Türkiyə, 6,6% Səudiyyə Ərəbistanı, 5,7% Birləşmiş Ərəb Əmirlikləri, 3,3% ABŞ, 2,8% Küveyt, 2,7% Qazaxıstan, 2,4% Böyük Britaniya, 2,2% Çin, 2,1%n  İsrail və s payına düşüb. 

Azərbaycan Respublikası vətəndaşlarının mehmanxanalarda keçirdiyi gecələmələrin sayı 2023-cü ilin müvafiq dövrü ilə bu ilin 6 ayında  34% artaraq 770,8 min nəfər olub ki, , bu da ümumi gecələmələrin 41,6%-i təşkil edir.