Azərbaycanda qəza vəziyyətində olan məktəblərin sayı açıqlanıb

Hazırda Azərbaycanda 400-dən çox məktəb qəza vəziyyətindədir. Bunu elm və təhsil naziri Emin Əmrullayev deyib.

"Hər il qəza vəziyyətində olan məktəblərin sayı azalır. Şagird sayı az olan məktəblərin bəziləri tədrisə yararlı olmadığı halda biz məktəbləri birləşdirmirik, sadəcə şagirdləri digər məktəblərə keçiririk. Hazırda qəzalı məktəblərin sayı yarı qədər azalıb. 400-dən artıq məktəbimiz qəzalıdır. Bu sürətlə getsək bu problemi həll etmiş olacayıq" - nazir jurnalistlərə açıqlamasında bildirib. 

Bundan əvvəl Elm və Təhsil Nazirliyi açıqlayıb ki, 2024-cü il ölkə üzrə 38 məktəbdə təmir-tikinti işləri aparılacaq.

2023-cü il Azərbaycanda 40 təhsil müəssisəsində təmir-tikinti işləri aparılıb
 
Martın 15-də baş nazir Əli Əsədov Milli Məclisdə hökümətin hesabatını təqdim edərkən deputatlara bildirib ki, hazırda ölkə üzrə təmirə ehtiyacı olan 660 məktəb var. 
 
Gülnar Nazimqızı 

www.anews.az