2024-cü ilin yanvar-martında əhaliyə pensiya, müavinət, təqaüd və ünvanlı dövlət sosial yardımı üçün 2 milyard 183 milyon manat vəsait ödənilib ki, bu da ötən ilin müvafiq dövründən 224,4 milyon manat və ya 11,5 faiz çoxdur. Bu bardədə Azərbaycan Əmək və Əhalinin Sosial Müdafiəsi Nazirliyindən məlumat yayıb. .
Cari ilin əvvəlində bütün pensiyalar son bir ildə orta aylıq əməkhaqqının artımına uyğun olaraq 11,2 faiz indeksasiya olunub. Bu, 1,1 milyona yaxın pensiyaçını əhatə edib və bu il bu məqsədlər üçün 630 milyon manat vəsait ayrılıb.
Sosial ödənişlərin artımı məhz bu indeksasiya ilə bağlıdır.
Azərbaycanda orta pensiyanın səviyyəsi 2024-cü il yanvarın 1-də aparılan indeksasiyadan sonra 436 manatdan 485 manat kimi yüksəlib.
İndeksasiyadan sonra yaşa görə orta əmək pensiyası 467 manatdan 519 manata qədər artıb.
N.Təbrizli
www.anews.az
Bizi sosial şəbəkələrdə izləyin !
