2023-cü ilin yanvar-noyabrında Azərbaycanda 44 221,1 milyon kub metr həcmində xam neft istehsal edilib, bu da əvvəlki ilin eyni dövrü ilə müqayisədə xam neft istehsalı 1 731,1 milyon kub metr və ya 4,1% artıb. Bu barədə Dövlət Statistika Komitəsinin hesabatında bildirilib.
Ötən ilin on bir ayında bu göstərici müvafiq olaraq 42 490 milyon kub metr təşkil edib.
Noyabrda ölkədə gündəlik xam neft hasilatı 492 min barrel olub. Bu barədə Energetika Nazirliyindən bildirilib.
2024-cü il üçün Azərbaycanın hasilat kvotası gündəlik 551 min barrel təşkil edir.
Bundan əvvəl, "S&P Global Commodity Insights” şirkəti Azərbaycanın gündəlik neft hasilatının 194 min barrel gerilədiyini açıqlayıb.
Oktyabrda gündəlik neft hasilatı 603 min barrel, sentyabrda isə 607 min barrel olub.
Azərbaycan "OPEC plus” razılaşmasının 2016-ci ildən iştirakçısıdır.
Neft İxrac Edən Ölkələr Təşkilatı və ya qısaca OPEC (ing. The Organization of the Petroleum Exporting Countries) — neft ixrac edən ölkələr tərəfindən neftin qiymətinin tənzimlənməsi məqsədi ilə 1960-cı ildə Bağdadda keçirilən konfransda yaradılıb. Əvvəlcə İran, İraq, Küveyt, Səudiyyə Ərəbistanı və Venesuela təşkilata daxil olub.
Bu 5 ölkəyə sonradan Qətər, (1961), İndoneziya (1962), Liviya (1962), Birləşmiş Ərəb Əmirlikləri (1967), Əlcəzair (1969), Nigeriya (1971), Ekvador (1973-1992), Qabon (19751994), Anqola (2007) və Ekvatorial Qvineya (2017) qoşulub.
Təşkilatın qərargahı 1965-ci ildən Avstriyanın paytaxtı Vyana şəhərində yerləşir. Hazırda OPEC-in 13 üzvü var. (Əlcəzair, Anqola, Konqo, Ekvatorial Qvineya, Qabon, İran, İraq, Küveyt, Liviya, Nigeriya, Səudiyyə Ərəbistanı, Birləşmiş Ərəb Əmirlikləri, Venesuela).
Qeyri-OPEC ölkələri (Azərbaycan, Bəhreyn, Bruney, Qazaxıstan, Malayziya, Meksika, Oman, Rusiya, Sudan, Cənubi Sudan) təşkilatla "OPEC plus” formatında sıx əməkdaşlıq edir. "OPEC plus” əməkdaşlığının əsas məqsədi dünya neft bazarında tələb və təklifin uzlaşmasına nail olmaqdır.
Aytac Zeynalova
www.anews.az
Bizi sosial şəbəkələrdə izləyin !
