Azərbaycanda yanvarda ixraca dəstəyin həcmi 17% artıb
31.01.2024 19:07
"Bir pəncərə” prinsipinə əsaslanan İxraca Dəstək Mərkəzi 2024-cü ilin yanvar ayında Azərbaycandan 11,5 milyon ABŞ dolları məbləğində malın ixracını dəstəkləyib. Bu barədə İqtisadi İslahatların Təhlili və Kommunikasiya Mərkəzi məlumat verib.
2023-cü ilin yanvarında bu rəqəm 9,8 milyon dollar olub. Belə ki, 2024-cü ilin yanvarında ixraca dəstəyin həcmi 17,3% artıb.
2023-cü ildə Mərkəz 242,4 milyon ABŞ dolları dəyərində malların ixracını asanlaşdırıb (2022-ci illə müqayisədə 10,1% azalma).
"Bir Pəncərə İxraca Dəstək Mərkəzi” Azərbaycan Prezidenti İlham Əliyevin "Azərbaycanın rəqəmsal ticarət qovşağı kimi mövqeyinin gücləndirilməsi və xarici ticarət əməliyyatlarının genişləndirilməsi ilə bağlı əlavə tədbirlər haqqında” 22 fevral 2017-ci il tarixli sərəncamına əsasən yaradılıb.
N.Təbrizli
www.anews.az
Foto 
Video 
