Azərbaycanın bu il ən çox məhsul idxal etdiyi ölkələrin reytinqi

19:00 | 14.08.2019
Bu ilin yanvar-iyul ayları ərzində Azərbaycan əsas on ticarət tərəfdaşı ilə ümumi dəyəri 6,1 mlrd. ABŞ dollarından çox idxal əməliyyatları həyata keçirib.

"APA-Economics"in Dövlət Gömrük Komitəsinin hesabatı əsasında apardığı hesablamalara görə, hesabat dövründə Azərbaycan ən çox İsveçrədən idxal edib. Bu ölkədən sonra isə əsas idxal Rusiya, Türkiyə və Çindən həyata keçirilib.

Qeyd edək ki, ötən il yanvar-iyul ayları ərzində İsveçrədən Azərbaycana 145 mln. dollar həcmində məhsul idxal edildiyi halda, bu il üçün bu rəqəm 8,2 dəfə artaraq 1,19 mlrd. dolları ötüb.
 
Cari ilin 7 ayı ərzində Azərbaycan 170-dən çox ölkə ilə 20,7 mlrd. dollardan çox ticarət mübadiləsi həyata keçirib.

www.anews.az
loading...

Xəbər lenti