Azərbaycanın dövlət şirkətləri son bir ildə $77 milyon dividend ödəyib

Eyni zamanda, 2022-ci ildə dövlət şirkətləri və kredit təşkilatları üzrə dividendlərin ödənilməsi planı 122,7 faiz yerinə yetirilib.

Palatanın materiallarına əsasən, ölkənin ən iri bankı olan "Azərbaycan Beynəlxalq Bankı” ASC (ABB) 2022-ci ildə dövlətə 120 milyon 458,8 min manat (planın +20,5%-i) məbləğində dividend ödəyib. Eyni zamanda, 2022-ci ildə 2021-ci illə müqayisədə bankın dividendləri 0,3% azalıb.

Bundan əlavə, "Aqrarkredit” QSC 198 min manat (2022-ci il üçün dividend nəzərdə tutulmayıb), "Azərbaycan Xəzər Dəniz Gəmiçiliyi” QSC (ASCO) 10 milyon manat (2 dəfə çox) dividend ödəyib.

Palata qeyd edir ki, "Azər-Türk Bank”dan dividend gəlirləri 2022-ci il üçün nəzərdə tutulub: "2022-ci ildə "Azər-Türk Bank”ın dövlətə 1,5 milyon manat məbləğində dividend ödəməsi nəzərdə tutulurdu. 2021-ci ilin sonunda bankın xalis mənfəəti 554 min manat təşkil edib, lakin bu vəsaitlərin dividendlərin ödənilməsinə deyil, bankın kapital mövqelərinin gücləndirilməsinə yönəldilməsi qərara alınıb”.