Azərbaycanın maliyyə sisteminin dərinliyi ÜDM-in təxminən 52%-ni təşkil edib

2022-ci ilin sonuna Azərbaycanın maliyyə sisteminin dərinliyi 61,6 milyard manat və ya ÜDM-in 46 faizini təşkil edib.

Belə ki, 2023-cü ildə Azərbaycanın maliyyə sisteminin aktivləri 3,2% artıb.

"2023-cü ilin sonuna Azərbaycanın maliyyə sisteminin aktivləri 63,6 milyard manat və ya ÜDM-in 51,7%-i (qeyri-neft ÜDM-in 81,9%-i) səviyyəsində qiymətləndirilir. Eyni zamanda, maliyyə sisteminin aktivlərinin 77,3%-i bankların payına düşür (2022-ci ilin sonuna 76,4%)”, - hökumət qeyd edib.

2023-cü ildə 2022-ci illə müqayisədə bank aktivləri 4,5% artaraq 49,2 milyard manata çatıb.

Maliyyə sektorunun aktivlərinin strukturunda 2022-ci ilin sonuna olan 20,8%-ə qarşı 19,7%-i bank olmayan kredit təşkilatlarının (BOKT) payına düşür.

Sığorta sektorunun və investisiya şirkətlərinin maliyyə dərinliyinə töhfəsi müvafiq olaraq 2,8% və 0,2% olub.