Azərbaycanın sənaye istehsalı azalıb - RƏSMİ
14.03.2023 14:50
2023-cü ilin iki ayında 12,7 milyard manatlıq sənaye məhsulu istehsal edilib, bu da ötən ilin eyni dövrü ilə müqayisədə 2,8 faiz azdır. Bu barədə Statistika Komitəsində məlumat yayılıb.
Bildilir ki, neft-qaz sektorunda məhsul istehsalı 3,7 faiz azalıb, qeyri neft-qaz sektorunda isə 6,8 faiz artıb.
Mədənçıxarma sektorunda əmtəəlik neft hasilatı 6,4 faiz azalıb, əmtəəlik qaz hasilatı isə 0,9 faiz artım müşahidə olunub.
Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 8,3 faiz, su təchizatı, tullantıların təmizlənməsi və emalı sektorunda isə 15,9 faiz artmışdır.
Azərbaycanda sənaye müəssisələri və bu sahədə fəaliyyət göstərən fərdi sahibkarlar tərəfindən 2022-ci ildə 86 mlrd. manatlıq və ya 2021-ci illə müqayisədə 1,1% az sənaye məhsulu istehsal edilib.
Məlumata görə, sənaye məhsulunun 75,4%-i mədənçıxarma sektorunda, 20,6%-i emal sektorunda, 3,4%-i elektrik enerjisi, qaz və buxar istehsalı, bölüşdürülməsi və təchizatı sektorunda, 0,6%-i isə su təchizatı, tullantıların təmizlənməsi və emalı sektorunda istehsal olunub.
Aytac
www.anews.az
Oxşar xəbərlər
Oxşar xəbərlər
Foto 
Video 
