Azərbaycanın xarici dövlət borcunun 25,9% avrobondların payına düşür
28.08.2024 15:42
2024-cü il iyunun sonuna Azərbaycanın xarici dövlət borcunun 25,9%-ni və ya 1387,3 milyon ABŞ dollarını Beynəlxalq Maliyyə Bazarında yerləşdirilmiş dövlət istiqrazları (Avrobondlar) təşkil edib. Bu barədə Maliyyə Nazirliyi məlumat yayıb.
Hesabatda bildirilir ki, bunun 310,7 milyon dolları (5,125% kupon ödənişi) 2029-cu ildə, 1 076,6 milyon dolları (3,5% kupon ödənişi) isə 2032-ci ildə ödəniləcək.
2014-cü ildə Maliyyə Nazirliyi tərəfindən 1,25 milyard dollarlıq avrobondların debüt emissiyası illik 5%-lə 10 il müddətinə yerləşdirilib.
160-dan çox ölkədən olan institusional investorlar Maliyyə Nazirliyinin avrobondlarını almaqda maraqlıdırlar. Eyni zamanda, investorlar tərəfindən verilэт müraciətlərin ümumi həcmi emissiya həcmindən 4 dəfə çox olub.
Yerləşdirmə nəticəsində avrobondların 47%-i ABŞ-dan, 25%-i Böyük Britaniyadan, 18%-i Almaniyadan, 10%-i isə digər ölkələrdən investorlar tərəfindən alınıb.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
