Azərbaycanlı mer vəzifəsinə namizəd oldu

Gürcüstan məhkəməsi Marneuli şəhər meri vəzifəsinə namizəd Əhməd İmamquliyevin qeydiyyatını bərpa edib. “Qeyrət” partiyasının sədri Əlibala Əsgərov Lent.az-a verdiyi açıqlamada Əhməd İmamquliyevin namizədliyinin məhkəmə tərəfindən yarım saat əvvəl bərpa edildiyini bildirib: “Bildiyiniz kimi, iyunun 5-də Dairə Seçki Komissiyası müxtəlif bəhanələr gətirərək Əhməd İmamquliyevin namizədliyini ləğv etmişdi. Sonradan Mərkəzi Seçki Komissiyası bu qərarı təsdiqlədi. Bu addım azərbaycanlılara qarşı ayrı-seçkilik idi. Görünür, onun qələbə qazanacağından duyuq düşüb belə bir qərar vermişdilər. Lakin biz dayanmadıq, məsələni məhkəməyə daşıdıq və qələbə çaldıq. Bizim xalqın, Milli Hərəkat Partiyasının dəstəklədiyi yeganə azərbaycanlı namizəd Əhməd İmamquliyevdir”.

Gürcüstanda şəhər meri vəzifəsinə seçkilər iyunun 15-də keçiriləcək.

ANN.Az