Azərbaycanla Cənubi Koreya arasında birbaşa uçuşlar həyata keçiriləcək

Məlumata görə, agentlik yanında Azərbaycan Turizm Bürosunun təşkilatçılığı ilə Cənubi Koreyanın paytaxtı Seulda Azərbaycanın turizm potensialının təbliğatı məqsədilə tədbir təşkil olunub.

Tədbirdə 2025-ci ilin mayından etibarən Seulla Bakı arasında həftədə bir dəfə olmaqla cümə günləri Cənubi Koreya tur operatorlarının təşkil edəcəyi birbaşa uçuşların anonsu verilib. 2025-ci ilin iyul ayının ortalarına kimi həyata keçirilməsi planlaşdırılan uçuşları AZAL yerinə yetirəcək.

Tədbirdə çıxış edən Azərbaycanın Cənubi Koreyadakı səfiri Ramin Həsənov birbaşa uçuşların iki ölkə arasında əlaqələrin inkişafına, qarşılıqlı tanıtıma və turist mübadiləsinə töhfə verəcəyini bildirib.

Şəbəkələşmə tədbirində Koreyanın turizm sənayesinin təmsilçiləri, media nümayəndələri və influenserlərlə yanaşı, Azərbaycanın aparıcı turizm şirkətlərinin nümayəndələri də iştirak ediblər.