2014-cü ilin oktyabr-noyabr aylarında Dövlət Statistika Komitəsi tərəfindən ölkənin bütün rayonlarını əhatə etməklə "Ev təsərrüfatlarının sənaye fəaliyyətinin öyrənilməsinə dair” birdəfəlik statistik müayinə keçirilib.
Bu barədə Oxu.Az-a komitədən məlumat verilib.
Komitənin məlumatına görə, müayinəyə 9 579 ev təsərrüfatı cəlb edilib. Ev təsərrüfatlarından 5559-u (58,0 faiz) şəhər, 4020-si (42,0 faiz) kənd yaşayış məntəqələrini əhatə edib.
"İl ərzində ev təsərrüfatları tərəfindən istehsal olunan əsas məhsullar: emal edilmiş süd – 418,5 min ton, təzə çörək – 392,1 min ton, ət istehsalı (quş əti daxil olmaqla) – 137,6 min ton, süd məhsulları – 102,5 min ton, meyvə və tərəvəz konservləri – 43,4 min ton, kompot – 40,9 min ton, mürəbbə və cem – 32,5 min ton, tort, pirojnalar və digər şirniyyat məmulatları – 28,8 min ton, meyvə və üzümdən alınan spirt – 94,1 min dekalitr, şərab – 59,5 min dekalitr, xalça və xalça məmulatları – 1,0 min kv.metr olub” - deyə, komitənin məlumatında deyilir.
www.ann.az
Bizi sosial şəbəkələrdə izləyin !
