Azercell və "Ümidli Gələcək” İB Ədliyyə Nazirliyinin 4 saylı Qadın Cəzaçəkmə müəssisəsində təlim keçiblər. Penitensiar Xidmətin dəstəyi ilə baş tutan təlimə 100-ə yaxın qadın qatılıb. Təlimdə Azercell Akademiyasının mütəxəssisləri "yumşaq bacarıqlar” - daxili motivasiya, ünsiyyət, empatiya, emosional zəka, yeni iş imkanları mövzularında çıxış ediblər, sonda isə qadınları maraqlandıran suallar cavablandırılıb. Təlimin əsas məqsədi məhbusların azadlığa çıxdıqdan sonra cəmiyyətə reinteqrasiyası, yenidən iş həyatına addımlamaları, karyera qurmaq imkanlarının artırılması idi.
Təlim iştirakçılarına həmçinin "Qadın Dəstək Xətti” barədə məlumat verilib. Onlara gələcəkdə bu xidmətdən yararlanmaq tövsiyə edilib.
24 saat xidmət göstərən "Qadın Dəstək Xətti”nə 116111 qısa nömrəsi, eləcə də Facebook və Instagram, həmçinin İctimai Birliyin veb-saytındakı canlı çat vasitəsilə müraciət etmək olar.
Layihə haqqında video-material:
Azercell "Gələcəyi öz əllərinlə yarat” layihəsinə start verdi (youtube.com)
www.anews.az
Bizi sosial şəbəkələrdə izləyin !
