Dövlət Kontrakt Korporasiyası "Azərkontrakt” Açıq Səhmdar Cəmiyyəti  Azərbaycan Respublikası Prezidentinin 1996-cı il 17 dekabr tarixli 519 nömrəli Fərmanı ilə səhmləri 100% dövlətə məxsus olmaqla keçmiş Material Ehtiyatları Nazirliyinin və Ticarət Nazirliyinin əsasında yaradılıb. 

 

Azərbaycan Respublikası Nazirlər Kabinetinin 2020-ci il 28 dekabr tarixli 513 nömrəli Qərarı ilə Azərbaycan Respublikasında daxili bazarda təbii qazın 2021-ci il yanvarın 1-dən qaz istehsalçılarından satın alınması, onun nəqli, ölkədaxili paylayıcı və istehlakçılara satışının təşkili "Azərkontrakt” ASC-yə həvalə edilib. 

 

Son hesabata görə,  keçən il  şirkətin öhdəlikləri 21 milyon 995 min manat və ya 6% artaraq 363 milyon 087 min manata, balans kapitalı isə 41 milyon 703 min manat və ya 18 % artaraq 273 milyon 312 min manata təşkil edib. 

Ötən il "Azərkontrakt"ın təbii qaz satışından gəlirləri 1 milyard 520 milyon 829 min manat, satışının maya dəyəri 1 milyard 383 milyon 597 min manat , nəqletmə xərcləri 76 milyon 562 min manat , qazın yeraltı anbarlara vurulması xərcləri 13 milyon 133 min  manat, anbarlardakı itkilərə görə zərəri 7 milyon 505 min manat , anbarlardan qazın götürülməsi xərcləri 12milyon 096 min manat , magistral xətlərdəki itkilərə görə zərəri 4milyon 512 min manat , texnoloji sərfiyyat xərcləri 2 milyon 091 min manat , işçi heyəti ilə bağlı xərcləri 2 milyon 554 min manat , tranzit haqları xərci 156 min manat , qaz nəqlindən gəlirləri 34milyon 101 min manat , faiz gəlirləri 2milyon 768 min manat,  faiz xərcləri 33 min manat , digər xərcləri 2 milyon 931 min manat , mənfəət vergisi ödəmələri isə 10milyon 827 min manat olub.