17-19 noyabr 2022-ci il tarixlərində Almaniyanın Dortmund şəhərində keçirilən Dünya Robot Olimpiadasında 56 ölkədən 78 komanda arasında ölkəmizi təmsil edən Azərbaycan Texniki Universitetinin (AzTU) SABAH qruplarının "Platon Tech" komandası dünya üçüncüsü olub.

Bu barədə Universitet məlumat yayıb.

"Platon Tech” komandasının üzvləri AzTU-nun SABAH qruplarının informasiya texnologiyaları ixtisasının tələbələri Rüfət Şixiyev, Qabil Hüseynli və ADNSU-nun tələbəsi Fərid Şixiyevdir.

Komandaya Günel Məmmədli mentorluq edib. Layihə AzTU-nun "CezeriLab" laboratoriyasında formalaşıb.

Həmyerlilərimiz "FUTURE INNOVATORS SENIOR" nominasiyası üzrə qalib olublar.