Bakı şəhərində bir qrup şəxs arasında baş verən münaqişə zamanı 4 nəfər bıçaq xəsarətləri alıb.Yasamal rayon Polis İdarəsindən APA-ya verilən məlumata görə, hadisə Hüseyn Cavid prospekti 31 ünvanında qeydə alınıb. Bir qrup şəxs arasında baş verən mübahisə və münaqişə nəticəsində 1993-cü il təvəllüdlü Toğrul Bəhlul oğlu Əhmədov, 1991-ci il təvəllüdlü Şükür Qafar oğlu Əbülfəzli, 1991-ci il təvəllüdlü Rahib Zahid oğlu Tanrıverdiyev, 1987-ci il təvəllüdlü Elxan Ücayət oğlu Əliyev bıçaq xəsarətləri alıblar. Onlar Klinik Tibbi Mərkəzə yerləşdiriliblər. Hazırda hadisənin səbəbləri araşdırılır. ANN.Az