Bakıda yeni piyada keçidi tikiləcək

 Yaxın günlərdə Bakı şəhərinin Nərimanov rayonu, Fətəli xan Xoyski küçəsində (Azərbaycan Dövlət Bədən Tərbiyəsi və İdman Akademiyasının qarşısında) yeni piyada keçidinin inşasına başlanacaq. Bunu «APA-Economics»ə Nəqliyyat Nazirliyinin «Azəryolservis» ASC-nin mətbuat xidmətinin rəhbəri Pünhan Mürsəliyev bildirib. Onun sözlərinə görə, ərazi artıq çəpərlənib və yaxın 1-2 gün ərzində qazıntı işlərinə başlanılacaq. Həmçinin, ərazidən kommunikasiya xətləri köçürüləcək. P.Mürsəliyev bildirib ki, piyada keçidinin uzunluğu 120 metr, eni 6 metr, hündürlüyü isə 3 metr olacaq. ANN.Az