Bakı hava limanı payız-qış uçuş cədvəlinə keçir

Sabahdan Heydər Əliyev Beynəlxalq Aeroportu gələn il martın 30-na qədər payız-qış uçuş cədvəlinə keçir.

Bu barədə hava limanından xəbər verilir.

Məlumata görə, bu müddətdə Bakıdan 18-i aşağı büdcəli aviadaşıyıcı olmaqla 37 aviaşirkət 70-dən çox istiqamətə müntəzəm və çarter reysləri yerinə yetirəcək.

Payız-qış mövsümündə hava limanı baza aviadaşıyıcısı olan "Azərbaycan Hava Yolları" QSC (AZAL) bir sıra yeni istiqamətlərini açmaqla və yeni aviaşirkətlər cəlb etməklə öz marşrut şəbəkəsini genişləndirəcək. Həmçinin müxtəlif beynəlxalq istiqamətlərə uçuşların tezliyinin artırılması gözlənilir ki, bu da sərnişinlərə daha çox səyahət variantları təqdim edəcək.