Bakı Mermer Qranit-i özəlləşdiriləcək
30.11.2023 14:04
Azərbaycanın Əmlak Məsələləri Dövlət Xidməti "Bakı Mermer Qranit” MMC-nin özəlləşdirilməsi ilə bağlı işlərə başlayıb.
Xidmətdən cümə axşamı jurnalistlərə verilən məlumata görə, Özəlləşdirmə Komissiyası müstəqil qiymətləndirmə şirkətinin iştirakı ilə nizamnamə kapitalı 17 milyon 59 min manat müəyyən edilmiş müəssisənin inventarizasiyasını həyata keçirib.
Müəssisənin icraçı direktoru Müşviq İbadovun sözlərinə görə, COVID-19 pandemiyasının pik dövründə fəaliyyətini dayandırmış müəssisədə hazırda avadanlıqların bərpası istiqamətində müəyyən işlər görülüb. .
"Müəssisə müəyyən ölçülərdə qranit və mərmər blokları, cilalanmış vərəqləri və təbəqələri kəsə bilər. Müəssisədə Türkiyə, Almaniya, Rusiya, İtaliya və Çindən avadanlıq quraşdırılıb”, - deyə İbadov bildirib.
Müəssisənin istehsal gücü 300 min kvadratmetrdir.
İbadov onu da bildirib ki, hazırda şirkətdə 45 nəfər çalışır. Gələcəkdə iş yerlərinin sayı 210-a çatdırılacaq.
Azərbaycanda 23 qranit, mərmər və aqlay yatağı var.
Hazırda bu yataqların istismarı üçün müvafiq dövlət proqramı hazırlanıb.
Qranit və mərmər yataqları Qarabağ bölgəsində (Şuşa, Ağdam), Kəlbəcər, Zəngilan, Daşkəsəndə yerləşir. Bundan başqa, Azərbaycanın cənubunda və Naxçıvanda belə yataqlar var.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
