"Cənub Qaz Dəhlizinin genişləndirilməsi çərçivəsində cari əməkdaşlıq və Azərbaycan qazının Aİ-yə ixracının həcminin artırılması perspektivlərini müzakirə etmək məqsədilə iki ölkə nümayındələri arasında görüş keçirilib", - AK-nin bəyanatında deyilir.
Danışıqlarda Avropa Komissiyasının energetika üzrə baş direktoru Kristina Lobillo Borrero və Azərbaycanın energetika nazirinin müavini Elnur Soltanov iştirak edib.
"Avropa İittifaqı REPower EU planının prioritetlərinə uyğun olaraq enerji mənbələrinin şaxələndirilməsinə əsas töhfə kimi Xəzər regionundan boru kəmərləri ilə qaz idxalının artırılmasında güclü marağını və dəstəyini vurğulayır”, - məlumatda deyilir.
Avropa Komissarlığı aydınlaşdırıb ki, görüşün məqsədi enerji təhlükəsizliyinin möhkəmləndirilməsinə dəstək məqsədilə enerji sektorunda əməkdaşlığın davam etdirilməsi və gücləndirilməsidir.
Hesabatda qeyd olunur ki, qlobal enerji problemlərinin kəskinləşməsi kontekstində Aİ və Azərbaycan arasında sabit ikitərəfli enerji əlaqələri və əməkdaşlıq rəqabətə davamlı, şaxələndirilmiş və etibarlı qaz idxalını şərtləndirən əsas amildir.
"Aİ REPowerEU planının prioritetlərinə uyğun olaraq etibarlı qaz tədarükünün vacibliyini vurğulayıb və əsas enerji səmərəliliyi tədbirlərini və iqlim neytral Avropa üçün hidrogen strategiyasını təqdim edib", - bəyanatda deyilir.
2020-ci il dekabrın 30-da Azərbaycan Cənub Qaz Dəhlizi vasitəsilə Avropaya qaz nəql etməyə başlayıb. Hazırda Azərbaycan qazının alıcıları İtaliya, Yunanıstan və Bolqarıstandır. 2021-ci ildə ixracın həcmi 8,2 milyard kubmetr, 2022-ci ildə isə - 10 milyard kubmetrdən çox nəzərdə tutulub.
N.Təbrizli
www.anews.az
Bizi sosial şəbəkələrdə izləyin !
