Bakı və İrəvan bu maddəni sülh müqaviləsindən çıxardı

Bakı və İrəvan Naxçıvanı birləşdirən marşrut da daxil olmaqla nəqliyyat kommunikasiyalarına dair maddənin sülh müqaviləsindən çıxarılması barədə razılığa gəlib.

"Qafqazinfo” xəbər verir ki, bunu Ermənistan XİN-in sözçüsü Ani Badalyan deyib.

Onun sözlərinə görə, razılıqda bu məsələnin daha sonra həll olunması qeyd olunub.

Daha əvvəl Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov tərəflərin Azərbaycanın qərb hissəsini Naxçıvanla birləşdirən marşrut da daxil olmaqla nəqliyyat kommunikasiyalarına dair maddənin sülh müqaviləsi layihəsindən çıxarılması barədə razılığa gəldiyini bildirib.