• $ 1.7
  • € 1.7774
  • ₽ 1.8994
  • ₺ 0.047
  • £ 2.1344

Bakıda 1500 sürücü "oyun zolağı"na çıxdı

Bakıda 1500 sürücü
01.06.2015 15:29
Bakıda "oyunlar zolağı”na qanunsuz daxil olan nəqliyyat vasitələrinin sayı xeyli azalıb.
 
Bakı şəhər Dövlət Yol Polis İdarəsi Yol hərəkəti idarəetmə şöbəsinin rəisi, polis polkovnik-leytenantı Mübariz Qazıyevin ANS PRESS-ə verdiyi məlumata görə, mayın 29-dan bu günə qədər paytaxtda quraşdırılan kameralar vasitəsilə 1500-ə yaxın sürücü həmin qaydanı pozduğuna görə qeydiyyata düşüb.

"Mayın 29-da, qadağanın tətbiq olunmağa başladığı gün qayda pozan çox idi. Çoxu bilmədiyi üçün xəttə girirdi. Bu gün isə bir az azalıb. Mayın 29-da 600, 30-da 350, 31-də isə 300-ə yaxın sarı zolağa girən sürücü kamera vasitəsilə müəyyən edilib. Bu gün günün axırında da dəqiq rəqəm məlum olacaq. Bundan başqa, kameraya düşməyən, lakin yol polisləri tərəfindən qeydə alınan qayda pozan sürücülər də var”.

Nəqliyyat Nazirliyi Nəqliyyatı İntellektual İdarəetmə Mərkəzinin (NİİM) mətbuat xidmətinin rəhbəri Şəfa Mehmanqızı ANS PRESS-ə açıqlamasında bildirib ki, "Oyunlar zolağı” ilə bağlı qadağalar qüvvəyə minəndən sonra ilk iki gün ərzində, xüsusən də ilk gündə sürücülərin bir hissəsi düşünmürdülər ki, sarı zolaqlı yola çıxdıqlarına görə cərimə olunacaqlar. Bu səbəbdən də, çoxu bu məsələyə dırnaqarası yanaşırdı.

"Yol polisinin bir neçə saata onlarla sürücünü cərimələdiyi barədə məlumatı yayılandan sonra belə halların sayı kəskin şəkildə azalıb. Yollardakı müşahidə kameraları 300 metrə qədər çəkə bilir. Yəni zolağa girib kameranı görəndən sonra yenidən zolaqdan çıxanlar elə bilməsinlər ki, cəzasız qalacaqlar. Onların hamısı qeydə alınır və cərimələndiyi barədə sənədlər yol polisi tərəfindən onların ünvanlarına göndərilir. Hazırda isə şəhərdə vəziyyət normaldır və indi demək olar ki, sürücülər "Oyunlar zolağı”na keçmirlər”.

Qeyd edək ki, mayın 29-dan etibarən I Avropa Oyunları ilə əlaqədar müəyyən edilmiş - rəsmi icazəsi olan nəqliyyat vasitələrindən başqa, digər avtomobillərin həmin zolağa çıxması qadağandır. Bununla bağlı qaydanı pozanlar İnzibati Xətalar Məcəlləsinin (İXM) 151.1-ci maddəsinə müvafiq olaraq yol nişanlarının və ya yolların hərəkət hissəsinin işarələrinin tələblərinə riayət edilməməsinə görə, 40 manat məbləğində cərimə olunurlar. Əgər "Oyunlar zolağı" digər yol zolaqları ilə kəsişirsə, bu zaman, eləcə də yolayrıcılarda hərəkət üstünlüyü xüsusi yola verilməlidir. Yəni kəsişən yolla hərəkət edən sürücü yalnız xüsusi yolda hərəkət edən avtomobili buraxdıqdan sonra hərəkətini davam etdirə bilər. Bu qaydanı pozan və qəza şəraiti yaradan sürücülər İXM-in 151.2-ci maddəsinə əsasən, 40 manat, üstəgəl, 4 cərimə balı ilə cərimələnəcəklər.
www.ann.az
Oxşar xəbərlər
Oxşar xəbərlər
Ruben Vardanyanın təqsirləndirildiyi cinayət işinin məhkəmə baxışı davam etdirilib
Cəmiyyət 19:56
Ruben Vardanyanın təqsirləndirildiyi cinayət işinin məhkəmə baxışı davam etdirilib
“Azercell” qadınların təhsil imkanlarını genişləndirən layihəyə dəstək oldu
Cəmiyyət 18:31
“Azercell” qadınların təhsil imkanlarını genişləndirən layihəyə dəstək oldu
Bu avtobus marşrutları üzrə müsabiqələrin qalibləri açıqlanıb
Cəmiyyət 18:18
Bu avtobus marşrutları üzrə müsabiqələrin qalibləri açıqlanıb
Azərbaycan əhalisinin sayı açıqlanıb
Cəmiyyət 17:58
Azərbaycan əhalisinin sayı açıqlanıb
Biləcərinin bir hissəsində qaz olmayacaq
Cəmiyyət 17:17
Biləcərinin bir hissəsində qaz olmayacaq
Son 1 həftədə təmizlənən minalı ərazilərin həcmi açıqlanıb
Cəmiyyət 15:06
Son 1 həftədə təmizlənən minalı ərazilərin həcmi açıqlanıb
Vəhşi heyvanlar arasında quduzluq xəstəliyinə qarşı növbəti peyvəndləmə aparılır
Cəmiyyət 14:37
Vəhşi heyvanlar arasında quduzluq xəstəliyinə qarşı növbəti peyvəndləmə aparılır
Rövşən Rüstəmovdan yeni təyinatlar
Cəmiyyət 14:32
Rövşən Rüstəmovdan yeni təyinatlar
Sabiq Baş prokuror vəfat edib
Cəmiyyət 14:19
Sabiq Baş prokuror vəfat edib
Anews TV

Rəsmi Youtube kanalımız

Abunə ol