Bu gün səhər saatlarında Bakıda ağır yol qəzası baş verib.

Virtualaz.org yerli KİV-ə istinadən bildirir ki, səhər saat 8 radələrində Xəzər rayonu ərazisində - Mərdəkan dairəsi yaxınlığında eyni istiqamətdə hərəkət edən iki minik avtomobili toqquşub. Nəticədə avtomobillərdə olan şəxslərdən ikisi hadisə yerində həlak olub. Daha iki nəfər isə xəsarət alıb.

Faktla bağlı Xəzər Rayon Polis İdarəsində cinayət işi açılıb, araşdırma aparılır.