Martın 30-da  Bakıda Frankofoniya Həftələrinin açılışı keçiriləcək. Bu münasibətlə, konfransda iştirak edəcək səfirlər öz ölkələrinin siyasi Frankofoniyadakı öhdəlikləri, həmçinin Frankofoniya Həftələri proqramında əlamətdar olacaq tədbirlər barəsində jurnalistlərin suallarını cavablandıracaqlar,  bu barədə Fransanın Azərbaycandakı səfirliyindən məlumat verilib. 
  
2017-ci il 1- 22 aprel tarixləri Belçika, Misir, Fransa, Yunanıstan, Macarıstan, Litva, Mərakeş, Meksika, Rumıniya və İsveçrənin Azərbaycandakı Səfirlikləri bir araya gələrək fransız dili və Frankofoniya bayramını qeyd edəcəklər.
 
Beynəlxalq Frankofoniya Təşkilatının üzv və müşahidəçi ölkələrinin səfirlikləri Frankofoniya həftələri ərzində Bakıda çoxsaylı mədəni tədbirlər təklif edəcəklər.
 
Beynəlxalq Frankofoniya Təşkilatı fransız dilini  və ümumi dəyərləri bölüşən 84 Dövlət və hökumətlərdən (58 üzv və 26 müşahidəçi ölkə) ibarət təşkilatdır.

www.ann.az