Dünən paytaxtın "Art Villa" qalereyasında "Qadın sirləri" adlı sərgi nümayiş olundu. Tədbiri Mədəniyyət və Turizm nazirliyinin dəstəyi ilə Dadaş Məmmədovun rəhbərlik etdiyi Azərbaycan Mədəniyyət Konsulluğu həyata keçirirdi. 

Dadaşovun sözlərinə görə sərgini zərif cinsin şərəfinə adlandırmaq təsadüfi deyil. "Biz qadınlara bahar ovqatı bəxş etmək istəyirdik. Ona görə də sərgini "Qadın sirləri" adlandırmaq qərarına gəldik, axı hər bir qadın özlüyündə bir müəammadır. Vernisjda nümayiş olunan şəkillər "Azərbaycan Mədəniyyət Konsulluğu"nun fonduna daxildir, o cümlədən şəxsi kolleksiyalarda saxlanılır. Tədbir incəsənət və məhəbbətə həsr olunub. Biz adəti üzrə olduğu kimi tamaşaçılara şəxsi kolleksiyalarda saxlanılan şedevrləri də nümayiş etdirməyə çalışırıq", - Dadaş bəy açıqlamasında bildirdi. 

Ekspozisiyaya həm azərbaycanlı, həm də xarici rəssamların 17 şəkli daxil edilib, müəlliflər sadalananlardır: Nazim Məmmədov, Mikayıl Abdullayev, Eldar Babazadə, Aydın Əskərov, Əşrəf Heybətov, Rəhim Həşimov, İntiqam Ağayev, Edita Suxostika, Zöhrab Salamzadə, Vüqar Əli, Leyla Altunay-Nəsibova, Günel Ravilova. 

ANN.Az portalı sərgi zamanı azərbaycanlı fotorəssam Rüstəm Hüseynovla söhbətləşməyə imkan tapıb, o tədbir barədə fikirlərini bizimlə böülşdü: "Bu, son dövrlərdə baş çəkdiyim sərgilər arasında ən parlaq və koloritlisidir. Kiçik, ancaq çox gözəl və harmonik ekspozisiya bizə müxtəlif rəssamların baxışında qadın obrazlarını təqdim edir. Zərif formalar, boya coşğunluğu və şərq koloriti portretlərə gözəllik qatır. Konkret işlərə gəldikdə isə, Mikayıl Abdullayev cə Nazim Məmmədovun rəsmləri mənim daha xoşuma gəldi. Edita Suxoskitanın şərq seriyasından olan şəkillərini də xüsusi qeyd etmək istərdim. Təşkilatçı Dadaş Məmmədovu belə gözəl sərgi təşkil etdiyinə görə təbrik edirəm". 

Elm, təhsil, maarif və mədəniyyəti təbliğ edən ANN.Az portalı paytaxtımızda baş tutan mədəni tədbirləri işıqlandırmaqda davam edir. Bu dəfə "Qadın sirləri" sərgisindən fotoları təqdim edirik. 

Xoş seyrlər: